. المغاربة كرماء ودراوش ومكيحسش بدرويش غير خوه الدرويش

تبوريشة 🥺 واحد سيدة مسكينة جالسة فواحد زاوية من الشارع و كتبيع البيض بلدي و شي خبيزات د زرع و رغايف السيدة من كلامها باينة درويشة و جالسة حتى واحد مسولها على دك شي لي كتبيع ، وقفت سولتها على ثمن البيض وتقديت من عندها ، وهو يوقف عليها واحد سيد بسيارة نزل سولها قالها عطيني 2 خبزات و 2 رغايف جمعتهم لي عطاها 200 درهم ، قالها صرف خليه عندك بصحتك ، تصرف عجبني من دك سيد لي بغا يكرمها بدك المبلغ مقابل انه ياخد 4 د حاجات من عندها باش ميحسسهاش بالإحراج سيدة شافت دك 200 درهم فرحت و شكراتو لكن لي زاد فرحنا انا وداك سيد هو أنها ناضت و فرقت دك لبيض لعندها و لخبيزات على شي ناس كانو كيسعاو حداها ، قالتنا مساكن جاب الله لي تعاون معايا حتى أنا نتعاون معهم. المغاربة كرماء ودراوش ومكيحسش بدرويش غير خوه الدرويش 💔🥺