الرأسمالية المتوحشة دمرت حافز الوجود حيت يصبح كل شيء مادي و حسابي
دابا انا ماعندي ماااايدار خاصني ندير شي شركة ديال الاحتيال ولكن اش غادي ندير ؟؟؟
غادي نمشي لمنطقة ديالي منطقة سوس و نشري زيت اركان مثلا بـ :
300 dh = 1 litre
و غادي ندير ليه emballage ب 50 درهم و غادي يطلع ليا ب350 dh 🌳🌳
ولكن كيفاش غادي نبيعو ؟؟؟ خاصني شي خطة جهنمية باش نجمع فلوس بزاف من عند المكلخين
صافي لقيت الحل ...
غادي نجمع الناس فشي فندق و نشرح ليهم طريقة الربح .
لي خدا زيت اركان من عندي ب 2500 درهم🎃 غادي يولي موزع👨💼 فالشركة ديالنا و غادي يقدر يبيعو ب3000 درهم و يربح 500 درهم و زيادة على ذلك غادي يحصل على 2 ديال النقاط ديال الوفاء
ويلا مشى حتى دخل جوج خرين لي غادي يشريو زيت اركان ب5000 درهم غادي يربح معانا 500 درهم اخرى و ربعة النقاط اخرى و هاد النقاط كاتخول ليه ياخد روميز و عملات من الشركة لي يقدر ياخدها فاش يجيب ناس جداد طبعا ههههه
نوقفو عند هاد الحد و نحسب شحال جمعت من المكلخين
5000 + 2500 = 7500
7500 - 850 ( bach t9am produit ) = 6650 dh
6650 - 500 (no9at) = 6150 dh
اذن ربحت غير من جوج نيفوات 6150 درهم
باش نزيد الربح اش خاصني ندير ؟؟؟
خاصني نقول للناس يدخلو ناس خرين باش يربحوحتى هوما و نقوليهم بيلي راه كاين غير تلات مستويات حيت هذا تسويق ديالنا شبكي ماشي هرمي هههههه
(تلاث مستويات يعني نتا فاش كاتجيب منخرط و حتى داك المنخرط كايجيب منخرط اخر ... فهاد الحالة شكلتو تلاث مستويات 😎)
ولكن اقدر يجيو عندي المشتركين الجداد يقولو ليا راه الناس ماكايتيقوش و ماكانقدروش ندخلوهم .
باش غادي نجاوبهم انا ؟؟؟
غادي.نقوليهم هادوك راه غير اعداء النجاح و راه المنتوج ديالنا معترف بيه دوليا و عندو شهادات عالمية ..... مالي كذبت راه زيت اركان هذا كولو منافع .
باش نكمل العملية ديالي غادي نسمي الشركة ديالي toxever و المكلخين لي خدامين معايا نعطيهم سميات على حسب كل مستوى باش يتيق راسو مقاول 🐒🐒
Distributeur
Animateur
Manager
سميات زوينين باش يبقاو يتفلعصو على بعضياتهم ههههه
واخى هوما راه ما تاحاجة 🤣🤣🤣🤣
الموهيم ذابا خاصني نبقى نجمعهم مرة مرة فشي فندق نعيق عليهم بالطوموبيل و الكوستار و نبقى نهضر ليهم عل النجاح حتى نفخ ليهم راسهم و اصلا شكون غادي يجي ينخرط معايا ؟؟؟؟ يا ايما شي شومور و لا شي ربة بيت ولا شي مكلخ خدام و عندو صالير طايح .... هاذو دغيا ناكل ليهم ذماغهم
و نلعب ليه
0 تعليق
إرسال تعليق